أثار إعلان الفريق كامل الوزير وقف سير الميكروباص على الطريق الدائري بدءًا من 1 يونيو المقبل مع بدء تشغيل الأتوبيس الترددي بحجة توفير وسائل نقل حديثة ومنظمة، غضب الكثير من الأهالي التي رأت أن وقف سير الميكروباص سيعطل مصالحهم وسرعة الزهاب والعودة،بالإضافة أنه سيرهقهم أعباء مالية جديدة.
فكتب بحر "بعد ما كان الناس بيركبو من أول الدائري لآخره بـ ١٥ جنيه.. عمل أتوبيس لغاية نص الدائري بـ ١٥ جنيه و الناس تنزل تاخد ميكروباص بـ ١٠ بقى باقي الطريق".
https://x.com/ba7r30/status/1924181128606327232
وسخر دكتور مصطفى جاويش "وقف الميكروباص يعنى دخول التوكتوك لأن الاتوبيس الترددى سعره مرتفع جدا".
https://x.com/drmgaweesh/status/1924182373341467071
وتهكمت عالية مرسي "ده مكملش أسبوع تشغيل تجريبي.. ازاي يعني يوقف مصالح الناس على مشروع فاشل زي ده".
https://x.com/MorsiAliaa73805/status/1924095807168389125
ولفت أحمد عطية "مش هيقدر يمنعه .. أتوبيسات الوزير لن تكفى لنقل آلاف المواطنين فى أوقات الذورة ولو استخدم "كامل "كامل أسطوله.. الناس على الدائرى فى أوقات توجههم لأعمالهم ومقاصدهم مثل الماء لا يوقفه شئ ولا قرار".
https://x.com/mdkyry62814129/status/1924123793506570569
وأشار وجدي "إذا كانت مشاريعك جادة ومفيدة لماذا تحارب الناس في أرزاقهم؟! أطلق مشروعك ودع الشعب هو من يختار المناسب لدخله ولكن احتكار الطرق هذا لا يوجد في أي دولة غير دولة الحرامية والعربجيه أمثالك".
https://x.com/altayra91391818/status/1924084604337525247
وأضاف إكرامي "طب و ليه قطع الأرزاق ده طب الناس أصحاب الميكروباص دول هايشتغلو إيه و لو مش هايشتغلو الدولة هاتعوضهم بإيه، وهل الأتوبيسات دي هيكون سعرها في مستطاع دخل الناس ولا لاء".
https://x.com/ekramyezzat85/status/1924211508944281637
وبينت نجاة "و لما الناس تنزل من المحطات بتاعة الأتوبيس الترددي ع الدائري .. يركبوا إيه ؟؟؟... يتمشوا أفرنجي ع الدائري؟؟؟.. مش كل الناس تقدر تنده أوبر ولا تاخد تاكسي علشان تكمل بقية مشوارها ؟!!".
https://x.com/nonia1111/status/1924102110850719802
وأكد أكرم "كالمعتاد قرار غبي غير مدروس سيسبب مشاكل أكثر من الحلول, كم سعر التذكرة مقارنة بالسرفيس, كم مواصلة ستركب لتصل إلى وجهتك كموظف وطالب إلخ, كم من الوقت سيزيد على زمن الرحلة, طبعا المهم سبوبة عرق الجيش و الناس تولع مش مشكلة".
https://x.com/AkramRizq/status/1924121936877023440
وأوضح عبدالرحمن "وقف سير الميكرباص على الدائري هي خطوة غبية من عسكري غشيم لايعرف إلا لغة القوة.. هي بلطجة.. وقف الميكروباص من على الدائري؟ طيب ياعمنا إنت هتخرب بيوت وتوقف حال ناس وتجبر الفقير على ركوب الأتوبيس الترددي أبو ١٥جنيه التذكرة، وسواقين الميكروباص.؟ يقعدوا في بيوتهم أو يسرقوا".
https://x.com/abdelrahma51572/status/1924087255976624284
وكان الفريق كامل الوزير وزير الصناغة والنقل قد أكد تنفيذ قرار وقف سير الميكروباص على الطريق الدائري اعتبارًا من الأول من يونيو المقبل مع بدء تفعيل الأتوبيس الترددي كبديل حديث ومنظم للنقل الجماعي في هذا الطريق الحيوي.
أوضح أهمية هذا الإجراء في تحسين حركة المرور وتخفيف الازدحام الذي يعاني منه الطريق الدائري بشكل يومي حيث يشهد حركة سير مكثفة تزيد عن مئات الآلاف من الركاب يوميًا، إلا أن القرار أثار غضب المواطنين مؤكدين أنه سيكون له توابع كارثية.
