باتت طرمبة البنزين مشروع جباية لجيوب المصريين من نظام السيسي بعد تلف مفاجئ أظهر مشاكل جودة الوقود (بنزين) بالأساس و(سولار) بالدرجة الثانية.
واستدعى ذلك تذكّر المصريين طفاية بفاريا التي تأكد في قانون المرور وجودها وشراءها سنويًا، حيث امتلك أحد نجلي مبارك مصنع بفاريا الكائن بشارع جسر السويس (شرق القاهرة) حسبما نسب وقتها، وكذلك حزام الأمان، والذي تشكلت دراما لاحقة ترسخ المبدأ نفسه حيث هي إتاوة فرض عين على كل صاحب سيارة لأحد الرؤوس أو الكروش المتضخمة بفعل الفساد في دولة العسكر.
ونفى حسن نصر، رئيس الشعبة العامة للمواد البترولية، وجود أي بنزين مغشوش، مؤكدًا عدم تلقي أي شكاوى رسمية، وصعوبة حدوث غش في البنزين داخل القاهرة الكبرى بسبب الفحص المستمر للعينات قبل توزيعها.
وأقرت وزارة التموين بتلقي شكاوى من مواطنين بشأن "غش البنزين"، وأكد مصدران باتحاد الغرف التجارية زيادة معدلات شراء وتغيير طلمبات وقود السيارات بسبب "مشاكل في جودة المحروقات".
وتداول مواطنون مقاطع فيديو عبر مواقع التواصل الاجتماعي، يشكون فيها من تلف مفاجئ في طرمبة البنزين بعد التزود من بعض محطات الوقود، مما تسبب في تعطل سياراتهم بشكل مفاجئ.
ونصح رسميون المواطنين بالتزود من محطات معروفة ومراقبة أداء السيارة بعد كل تعبئة، والتوجه لفني مختص في حال ظهور أي عطل، مع ضرورة الإبلاغ عن أي محطة مشكوك في جودة وقودها.
وقال رباح فوزي Rabah Fawzy "مساء الخير .. موضوع البنزين المغشوش.. ما بين تأكيد المواطن العادي ونفي وزارة البترول وجود غش في البنزين.. كنت محتارة أصدق أي طرف.. للأسف التجربة خير دليل، طرمبة البنزين باظت بسبب البنزين المغشوش.. حقيقي مش عندي تعليق مناسب للوضع المخزي ده".
وأضاف رجل الأعمال علي الحنفي Ali Alhanafy (وهو ليس إخوان بحسب ما يفضل بعضهم استحضار الشماعة)، "في الفترة الأخيرة لاحظت أن سيارتي الخاصة تستهلك بنزين بصورة غير معتادة فضلاً عن (تنتيشه) بين الحين والآخر ..فاتحت بعض القريبين مني واعربت عن شكوكي في غش البنزين بعدما ارتفع سعره ..فاختلفت تفسيراتهم :
• منهم من وافقني وأكد لي شكي وجزم بأنه يقين.
• ومنهم من اتهم سيارتي العجوز وطلمبة البنزين.
• ومنهم من طالبني بقطع الشك باليقين من خلال مراقبة عداد السيارة عند التفويل وقياس عدد الكيلوات في الصفيحة ..
لكن التقرير الصحفي اليوم بيؤكد لي أن ملاحظتي في محلها وأنني لست الوحيد الذي عانى من ارتفاع معدل استهلاك سياراتهم للبنزين بين الأمس واليوم ..
وقالت نجوي حسين Nagwa Hussien: "الصيف اللي فات الناس اتبهدلت خصوصًا في الساحل من غش البنزين . من ساعة ما البنزين غلي و chill out بيحطوا ماية ساقعة مش بنزين ولا الناس ضجت ولا حد سائل.. أقل ان صدق و يطلع بيان بجد عن نتايج حقيقية. . ماهو مش معقول كلنا بنتخيل!".
https://www.facebook.com/nagwa.hussien.7/posts/pfbid0SGPjw6L1sh3orLMdveusyEE2f54s4zG8kiPvFr4MWgfUeeENSETCs2qaHa9vznool
وعلق هشام حسانين Hesham Hassanein على تعليق للكاتب عمر طاهر يقول Omer Taher : أتمنى يوصل للقيادة نبض الشارع بخصوص طلمبات بنزين عربيات مصر اللي فيها فرة بسبب البنزين. . هاسيب للقيادة في التعليقات شوية لينكات الناس اللي داخلة معانا في اللطم الجماعي. وممكن تخلي اللجان تحلل لقمتها وتعمل سيرش.
فقال حسانين : "أنا غيرت طلمبة بنزين العربية الأسبوع اللي فات بدون أي مقدمات بس واضح ان في مشكله جماعيه نتيجه غش البنزين".
الساخر أحمد ـنور سعدة Ahmed Anwar Seada على فيسبوك كتب "كفايه اشاعات .. ناس كتير بتكتب ان البنزين مغشوش وبيبهدل العربيات و طلمبه البنزين بتبوظ وممكن كمان الموتور يتاثر ".
وأضاف "كفايه اشاعات مغرضه احنا البنزين عندنا زي الفل مفيش احسن من كده، حاجه مفتخرة مفيهوش اي غش .. بس انا افتكرت حاجه، عربيتي طلمبة البنزين باظت وحاجات في الموتور باظت وصلحت العربيه من اسبوعين، والغريبه ان جبت طلمبه البنزين بالعافيه عشان ناقصه من السوق، انا فولت العربيه وفي نفس اليوم سمعت مزيكا جايه من الموتور ، مزيكا خبط و رزع ، واتكلفت مبلغ محترم.. كفايه اشاعات البنزين فله شمعه منورة .. ".
وخلص في سخريته "عندما يقع الإنسان في مستنقع البنزينة فينتهي به الأمر إلى الميكانيكي .. #العتمة ".
https://www.facebook.com/ahmed.seada.319/posts/pfbid0aVkUAxGumwCEknAkznUEoLPWXhDPn2JTPWYrdBh476x3K9G3yZEEnD7KXNxhs1ijl
