الناشط السياسي د. ياسر نجم عبر فيسبوك :

على مدى ال4 شهور اللي فاتوا..115 سفينة شحن استخدموا طريق رأس الرجاء الصالح بدل قناة السويس..
وبكده نقص من ايراد القناة حوالي 50 مليون دولار في ال4 شهور دول..
(يعنى حوالي نص مليار اصطباحة من بتوع السيسي)..
والسبب هو نقص أسعار الوقود...
الرحلة بتكلف السفن عن طريق رأس الرجاء الصالح نص رسوم عبور القناة..
وكمان يقدروا يبحروا بسرعة ويوصلوا فى نفس المدة الزمنية..(14 يوم)..
ولو مشيوا بالسرعة المعتادة هايتأخروا ل24 يوم بس هايوفروا فلوس أكتر..
وفيه سفن كتير اختارت انها تعمل كده..
(وده يبين سفه فكرة انفاق 100 مليار جنيه على التفريعة الجديدة علشان توفر 7 ساعات انتظار..وتعتبرها هدية للعالم)..

التقرير ده منشور على موقع قناة سي ان بي سي الأمريكية الشهيرة نقلا عن مؤسسة سيلنتل المتخصصة في تحليلات الملاحة البحرية..والرابط فى آخر البوست..
النتيجة النهائية للتحليل بتقول ان قناة السويس لو عايزة تحافظ على المعدلات الحالية لمرور السفن فيها..لازم تخفض رسومها للنص..
(يعنى ايرادات القناة تنزل للنص علشان بس تحافظ على المعدل الحالي..مش بنتكلم خالص في زيادات في مرور السفن..)..
يعنى عندك كده 3 مليار دولار (30 مليار اصطباحة)...انحدار فى الدخل القومي للبلد..وال3 مليار التانيين رايحين في تعويض اللى اتصرف على الترعة وفوايد الشهادات..
ده غير اللى حصل للسياحة..
القناة والسياحة أهم مصدرين للدخل القومي خصوصا العملة الأجنبية في مصر اتضربوا ضربات قاصمة..نتيجة أفعال مباشرة للسيسي..
(مشروع التفريعة - القصور الأمني- استهلاك وانهاك الشرطة في الحفاظ على النظام والتخلص من المعارضين - الفشل في سيناء - قتل السياح المكسيكيين بواسطة الجيش..والطالب الإيطالي بواسطة الشرطة)..
وزود عليهم انهيار الإستثمارات الأجنبية كمصدر تالت أساسي للعملة الأجنبية..بسبب تدهور المناخ السياسي..وأوضاع الأجانب في مصر..وهلاوس المؤامرات الخارجية..وانتهاك الحقوق والحريات...وفشل الأداء الإقتصادى..وغياب القانون..ولغة التهديد والوعيد والتسول والابتزاز
..واهدار مليارات الخليج..وتغول الجيش وهيمنته على مقدرات البلد وكل مشروعاتها..ورعب رأس المال المحلي قبل الأجنبي من المستقبل..

ويقول لك: أتباع علشان مصر!!!! واتبرعوا بجنيه علشان نلم 4 مليار جنيه..!!!
ده انت يا ابن ال..... مخسر البلد في سنة ونص..اللي وراها واللى قدامها..
ولو نطول ندفع عليك 50 مليار علشان نخلص منك..نبقى احنا الكسبانين..

طالع التقرير  الأصلي :  http://cnb.cx/1TcJoD2